NUTTEA (葵涌廣場) (已結業)

一早去咗葵芳開會，之後約左個朋友又未夠鐘，行經葵涌廣場，見到好多人女仔排隊買手搖飲品，好奇望一望，原來係用堅果奶沖嘅手搖，奶係用植物奶。素食者，健身人士，減緊肥都飲得，仲要有益有營養健康，唔怪得咁多女仔排隊啦！所以我都忍唔住叫左兩杯，一杯係牛油果堅果奶，另外一杯係期間限定嘅，粉紅莓🍓好堅果奶。我一向唔太好台式飲品，一來好肥，二來唔健康，但係今次呢一個真係飲完都冇罪惡感，健康得黎又好好飲！粉紅莓🍓好堅果奶-用上五款堅果，濃濃堅果香，仲有士多啤梨既甜，都幾大杯，但好快已經俾我飲晒，因為真係好好飲。牛油果堅果奶-香濃細滑，再加牛油果🥑，健康中既健康！