囍源古早蛋糕 (已結業)

古早蛋糕依家開到成行成市，每間都各有特色， 而今次我來到深水埗新開的囍源一次過買左3款口味， 提早要仔仔同我慶祝定生日先 😁😁😁。囍源睇到佢門面介紹話係低糖少油， 咁我就叫左以下3款味道，睇下係咪真係低糖少油咁健康先。 咸蛋流心奶皇 ～ 我就係為左等呢件新鮮出爐，等左半個鐘，超值得等的，因為中間果層咸蛋流心奶皇好順喉，唔會比咸蛋搶左奶皇的香。流心拉絲芝士 ～ 呢個一食時中間的芝士係半熔好濃郁的芝士香，可能因為佢地用左幾款芝士溝在一起。香脆肉鬆 ～ 一睇已經好吸引上層鋪滿了肉鬆，中間一層又放滿另一種肉鬆， 層次感一流。呢到係我見過最多款口味的古早蛋糕店， 每日出產款式時間都唔同， 其實今次我自己好想食日本流心紫薯，而仔仔就好想食鴛鴦流心朱古力的，不過佢咁岩賣哂都冇計，下次我會醒d 打定去訂的了。