LITE (已結業)

平時經開見到呢間Lite店舖環境淨潔並好有空間感。主打健康食物，Menu 上面都有標明卡路里，岩晒需要控制飲食嘅朋友～Lite 逢星期六日會同一啲愛護動物嘅機構" Paws United Charity (PUC)" 舉行領養活動，十分有愛心及意思，而對於我呢個十分喜愛小動物嘅人嚟講，唔領養，都要去食支持下啦！今日就去食個healthy tea~ 呢度有空間感，播放住外國一啲jazz pop嘅歌，感覺好chill~店員都好nice~ Smoked Salmon Wrap 💲68墨西哥捲夠軟熟，放涼咗都唔會變乾硬。 包住有烚蛋、煙三文魚、洋蔥及沙律菜，再加上mustard yogurt dressing 入口夠fresh又惹味～ 健康嘅high protein之選，好味飽肚又健康～Chia Pudding 亞麻籽布丁 （256cal) $65燕麥脆脆、士多啤梨、藍莓、大量亞麻籽，含極豐富膳食纖維！餐廳而家仲係呢個蜜糖品牌合作，所以布丁入面加入左有機蜜糖，香甜而不膩，而且勁飽肚，我係食唔晒嘅.. 另外仲有有機蜜糖糖附送添～Matcha Latte $45 +$5 oat milk好香濃抹茶