Up2u (已結業)

星期日帶囡囡去黃埔冒險樂園玩，買咗100個Tokens，玩到攰晒😂。行經過呢間小店，見到大份三文治，而且用雞胸肉，飽肚又健康！於是揀咗份「野菌蓉忌廉芝士醬配慢煮雞胸三文治」 和「火龍果果昔」做下午茶。一上車，囡囡已經急不可待話要飲火龍果果昔，咁靚咁鮮艷嘅飲品好吸引小朋友眼球，引起興趣要試。平時唔食紅肉火龍果嘅佢，飲咗大半杯！飲得出果昔好天然，用真果肉打成，每啖都食到果籽同帶有天然果酸，清甜可口，口感厚滑。返到屋企食埋三文治，口味清新，雞胸肉沒有複雜調味，脂肪含量極低，口感一點也不粗糙，嫩滑入味。