Up2u (已結業)

近年韓式三文治可以話越黎越受歡迎，今日來到紅磡見到呢間新開嘅三文治店，價錢相宜之餘，食材亦相對健康，就一於試下。三文治選擇好多，除咗豬、雞及蝦之外，仲有素食系列，另外亦有沙律及果昔，夠晒健康。意式香草青醬配慢煮雞胸三文治 :三文治麵包屬厚切，微烘過後外脆內軟，雞胸份量夠多，配埋生菜及蕃茄，感覺好健康，香草醬味道清新，食落一d油膩感都無。雞胸沙律 :太太崇尚健康輕食，呢款雞胸沙律就最啱佢啦，沙律可以揀韓式柚子汁或凱撒沙律汁，沙律菜好新鮮，慢煮雞胸煮得夠淋，一d都唔鞋，蛋白質滿滿，加埋流心蛋配沙律好夾。餐廳亦有慢煮雞胸賣，$25一件有250g，買10件仲送多1件，買黎放係雪櫃，就可以隨時用黎整沙律或三文治好方便。雜莓果昔 + 火龍果果昔 :入口好creamy，無添加糖下雜莓果昔味道酸酸甜甜，而火龍果果昔就較鮮甜清新，兩杯都可以飲到果肉，好味道。