QR code 落單先發現原來係生酮飲食餐廳嚟，開喺健身室隔離，等人運動完填飽肚都唔會覺得好罪過。
de 落單見到menu 有三文魚湯飯，即刻瞇埋眼落單。原來預設80gram 三文魚對我嚟講勁多，仲要係粗糧。湯底係好濃日式醬油味嘅味噌，加埋大量紫菜碎，夠曬惹味。油都唔見多滴，但絕對好食！
同
朋友share 埋個望落好矜貴嘅羅勒醬無激素三文治，仲包埋黑醋橄欖油沙律（本人美國讀書時期keep fit 最愛）今次要埋邪惡烘底，全麥sourdough 就係夠香口。餡料菜肉比例平均但都有啖啖肉嘅口感，超級滿足！
加杯生薑檸檬蘋果汁祛寒兼提神；同埋Sweet Green 特調果汁清清腸胃。新鮮蔬果原汁原味，連薑都落足料，冬天飲一身暖曬！
p.s. 怕辣者請兜路，我friend 唔太頂得順陣薑味，但再一次證明落足料 LOL
