唐記包點 (龍豐商場)

营业中

休息中

唔講唔知原來唐記包點間間分店價錢唔統一的，近日有同事話佢樓下間分店做緊特價，蒸包$5個，蒸飯$20咋，仲每日有一款特價飯$15，超平啊！揀兩個包包做早餐先，黃色係蕃薯包，紫色係香芋包，由於放左入背囊，壓扁左又有水蒸氣，個包包變得唔靚仔了…返到公司都仲係微溫唔使叮，軟綿綿的包包，加上甜甜的蕃薯蓉，飽肚又好味。食一個已經好飽，香芋包留番下午茶叮一叮，叮番熱一樣軟綿綿，正。香芋餡無蕃薯咁甜，但一粒粒咁好有口感，兩個包都好好味～香港製造的，食得安心。全部特價，抵！