華星冰室 (阜財街) (已結業)

作為元朗街坊， 喺香港島返工，成日有機會食華星冰室。奶茶係ok 的。但佢嘅炒蛋 太過生 食唔落口。 可能佢以為生蛋就係好食啦， 多士係正常，不過無論啲嘢好唔好食，服務冇禮貌，最後都係冇人幫襯。 餐廳用木凳 根本就坐得好唔舒服 ， 如果係冇錢開餐廳 應該唔好開 。我真心想老闆見到 ，暗中睇下佢啲阿姐，尤其是落單嗰幾個 ，非常冇禮貌 ，每個幫襯的客人，都係有口，都會貼文，本人曾經三次幫襯，都係冇遇到一個有禮貌的落單的阿姐， 趕客到你唔信。最後一次，係坐落左之後，想叫一個 茄汁燴意粉，比個長頭髮阿姐， 揸住個餐牌 係我面前反轉再反轉兩次，話今日無炒野食。態度寸到以為欠佢錢。 呢篇文我用手指逐隻篤出嚟。 點解?因為我畀咗三次機會佢, 一次都冇改善過。 我本人唔會再幫襯。本來都唔想袋錢落你哋個袋 ，等你自己收檔，不過真係好興。 我都真心想老闆見到 知道自己啲員工點做嘢本來喺呢度多間華星係好事 最後講多一次 無論啲嘢好唔好食，冇禮貌最後都會無客。