講返餐廳，位置上唔算遠，由apm 落巧明街行多5分鐘就到，唔洗搭lift 就喺地下果層行到最入。
環境值得一讚，牆上的彩色壁畫好靚！裝潢主調係木色加白色感覺好cosy，地方亦都寬敞坐得舒服 (無影到相...)
食唔到脆弱雞，叫左豉油無骨雞飯 配 油菜 配 熱咖啡 ($89)，油雞好滑，咸度適中，雞、飯和菜嘅份量都好足 (我最後食唔晒個飯 so sorry)。
飲品係自助，有部機出即磨咖啡，味道可以。
另外要讚當晚企前台嘅收銀同送餐位哥哥都好有禮貌。
總結：好食嘅但又未到驚豔，下次揀返佢餐廳推介可能先會有驚喜，遲啲會試「勿當奴」。
