喺開飯仔度搵到尖沙咀人氣之選嘅甜牙牙，梗係要嘆返個甜品下午茶啦～
平時夜晚路過見到門口企滿曬等位嘅人。lee日禮拜六下晝，難得唔洗等位，太好啦～
飢腸轆轆又口渴的我，一如門口，行上幾級樓梯就見到，咁豐富嘅選擇，實在迫不及待要坐低揀嘢食。
裝潢雅緻，部位位置仲設有弧形卡位，坐得舒服～
千層蛋糕向來受歡迎，甜牙牙推出了多款口味任君選擇。
運動過後，極度需要補充水分的我們，所選的均為清爽、凍冰冰、透心涼的食物和飲品。
西瓜特飲（壺）西瓜水分多，lee個時候最啱我哋。平凡中帶點驚喜，西瓜肉並沒有打到完全溶曬，飲落有西瓜蓉，又添加咗幾件西瓜切片，多重口感，完全係食得到嘅西瓜汁。
四季鮮果拌Mǒvenpick (Vanilla & Strawberry)話明要清爽，點可以唔嗌鮮果拌雪糕。時令生果種類頗多，鮮、甜。最鍾意🍌，並唔係普通香蕉切件，而係外層用焦糖包裹著的香蕉，外脆內香軟。Mǒvenpick雪糕當然冇得輸啦，兩款口味雪糕都係我哋至愛。就算係溶咗嘅雪糕，拌上生果、爽口水晶珠，也增色不少。
龍眼水月流就咁聽嗰名，有d玄。其實佢係龍眼冰+椰汁河粉+龍眼肉嘅組合。龍眼冰份量好大，味道略淡；椰汁河粉，椰汁味好濃，但口感略欠煙韌；所選之龍眼肉爽甜。整體還可以。
芒果雪山芒果控，食甜品又點少得芒果系列呢～配料方面一如所料，芒果雪花冰打得不錯，沙沙、綿綿嘅口感，溶咗都唔會結成一舊硬塊。芒果夠熟，很香甜。可能頭先食咗Mǒvenpick系列雪糕，而lee款係其他牌子嘅芒果味雪糕，就有點遜色了。如果整體份量可以再大d，咁就更滿足、更抵食啦～
席間，朋友發現這裡還有不少鹹食選擇，大多看上去都不錯耶～ 西式簡餐，all day breakfast，各式crepe與waffle
。未幾，已經約定下次再來尖沙咀試她的鹹食了。
