去完鑽石山拜山，就行落富山邨食野。
舊邨式設計的富山邨，有舊式士多，
文具鋪，茶樓，最唔少得係呢間舊式茶餐廳，由門面裝修，餐牌以至食物，都係 "真.舊式"，一般扮懷舊嘅餐廳絕難媲美。
講返食物，老實講，都係一般茶記應有嘅，我都係是但叫個茶餐：叉燒公仔麵，跟雙蛋，方包，凍鴦少甜。
叉燒肥瘦適中，但顏色太鮮了，可能較多色素，麵ok，冇太淋，太陽雙蛋都ok (出邊食過唔少個蛋黄是熟透的, 好冇feel)
D老人家講笑話 識食一定係先篤穿個黄啜，我都覺得真係正D
驚喜係件包好夠牛油，正呀喂！ (唔記得影相)
凍鴦嘅茶啡比例適中，茶同啡本身都冇怪味(真係唔係必然㗎)
難得佢有舊式西餅賣，一定要整返件！"唔該，我要件...圓形有占(果醬) 喺面果件" (由細到大都唔知呢件野學名叫咩)
2
椰絲味好香，唔會太甜，唯蛋糕唔夠軟屬，不過都未至於哽頸，食佢嘅風味都加晒分，老西餅萬歲！
