影片
更多
2011-08-17
15 浏览
經過呢間舖兩次, 見到佢門口貼左好多名人合照同講自己d海南雞羅獎的事, 是日響附近好肚餓, 便黎試試.一入去, 茶餐廳格局, 發現員工收碟的筒放響舖中間, 係方便員工, 但見到已經有d影響食欲. 不過呢度係佐敦, 不能要求甘多. 坐低睇牌: 去骨海南雞飯(大)連湯, 去骨海南雞飯(中), 菜, 海南雞油飯, 豆漿. 汽水. 完!!! 嘩! 真係甘有信心?!?! 淨賣海南雞飯! 餐牌另一邊係一大段野, 講佢地淨係賣海南雞飯因為想用心做好一樣野, 有乜意見可以講. 好有heart! 本人最鍾意有heart的食店架喇!拿拿臨叫個去骨海南雞飯(中). 31蚊, 唔平唔貴啦. 好食就平, 唔好食卑20蚊都嫌多啦.等野食期間, 周圍望發覺牆上除左講羅獎, 又李純乜, 又黃乜梅一致推介, 就係寫 “淨係賣海南雞飯因為想用心做好一樣野”; “無MSG食店”; “又要環保, 又要飽肚, 請叫少飯”; 同埋 “歡迎客人自攜飲品”! 嘩! 唔係真係甘有信心下嘛?! 野飲錢都唔賺?!?!碟野黎到. 嘩!!!!! 甘醜樣既?!?! 用的係職工飯堂的綠膠碟, 冇問題. 半條伴碟都冇, 都冇問題, 反正伴碟都唔食架
一入去, 茶餐廳格局, 發現員工收碟的筒放響舖中間, 係方便員工, 但見到已經有d影響食欲. 不過呢度係佐敦, 不能要求甘多.
坐低睇牌: 去骨海南雞飯(大)連湯, 去骨海南雞飯(中), 菜, 海南雞油飯, 豆漿. 汽水. 完!!! 嘩! 真係甘有信心?!?! 淨賣海南雞飯! 餐牌另一邊係一大段野, 講佢地淨係賣海南雞飯因為想用心做好一樣野, 有乜意見可以講. 好有heart! 本人最鍾意有heart的食店架喇!
拿拿臨叫個去骨海南雞飯(中). 31蚊, 唔平唔貴啦. 好食就平, 唔好食卑20蚊都嫌多啦.
等野食期間, 周圍望發覺牆上除左講羅獎, 又李純乜, 又黃乜梅一致推介, 就係寫 “淨係賣海南雞飯因為想用心做好一樣野”; “無MSG食店”; “又要環保, 又要飽肚, 請叫少飯”; 同埋 “歡迎客人自攜飲品”! 嘩! 唔係真係甘有信心下嘛?! 野飲錢都唔賺?!?!
碟野黎到. 嘩!!!!! 甘醜樣既?!?! 用的係職工飯堂的綠膠碟, 冇問題. 半條伴碟都冇, 都冇問題, 反正伴碟都唔食架啦. 但d雞皮呢?!?!?!?!? 共有五舊雞,有三舊冇雞皮, 白舐舐甘攤響d飯上面. 算! 橫店雞皮我都只會試, 不會全食. 夾起舊雞, 舊舊都薄到冇朋友. 食第一舊我就知我入錯黎, 因為鞋口, 第二三四舊好d, 第五舊係雞下脾的下半部, 食到少少脾肉, 但個個位, 皮多過乜. 唔通就係因為有你, 其他雞皮要扣起?!??! 味道方面, 雞味唔濃, 飯冇其他舖甘油, 但冇乜特別好味. 醬有三款, 都係淡同稀.
每次公司有同事發覺自己做錯野, 有位同事總會講笑甘串: “問下自己~! 有冇心做!". 有樣野叫 '希望越大, 失望越大', QC做唔好, 又何必講到甘有heart呢.
张贴