Mr Wolf

营业中

休息中

經過見到有位姐姐派卡片，話係新開餐廳，於是試一試。價錢大概係$250左右 包前菜、主菜、甜品及餐飲。老實講我好少出中環區，但我諗呢個價錢食到呢啲野都唔算太過份。前菜已經唔記得確實名稱，吞拿魚他他沙律伴酸酸地既汁。吞拿魚塊四邊有特登煎香，再沾上芝麻，配上酸汁，開胃又有鮮味同口感（啖啖肉）。雖然得三舊 但前菜少少地就夠，之後個主菜我都食唔晒。主菜燒汁豬肋骨伴牛油果沙律 配薯條豬肋骨熟成度剛剛好夠稔，每部份都均勻有燒烤汁。幾好味。衰在多肥肉好快會食膩.... 但啲肥肉又好好味甜品焦糖味雪糕配brownie。呢個配搭十分match! 加埋上面的花生碎，好香口。整體來講，呢餐我都算滿意題外話，呢度的主廚幾友善，會出來同不同客人傾偈交流，成間餐廳幾有氣氛。