明洞Express (已結業)

又係韓國野lunch la~今次去左學校附近既明洞 間野冇改錯名都係好好食而且全店都係韓國人😂今次第1次試就嗌左好耐冇食過既芝士炒年糕 價錢好似係60幾但唔包野飲（學生好似有送汽水）一眼望落本身都唔覺得個份量有幾多但係食落係起飽😂d芝士中和返辣味所以食落味道好好又唔會太辣而且芝士既份量做到拉絲效果好正✨年糕食耐係煙煙韌韌既好好味同好正宗 佢仲撈左少少魚糕落去食落口感更豐富同埋飽飽😂佢個配菜同一般既差不多都係醃蘿蔔同泡菜啦 湯味道還好但唔似味精水既～朋友就嗌左泡菜魷魚飯 望落好辣食落更辣😂但個魷魚都幾彈牙唔錯唔錯~撈埋白飯食就中和返少少啦 但我覺得年糕好食d 佢白飯份量都幾多架 女仔黎講會有食唔曬既機會