品川日本料理 (已結業)

某一天去到荃灣行街，突然間想食放題，結果搜尋OpenRice，就睇到呢一間野，惡評如潮，不過我又想食放題，咁啱我位置又係海之戀附近，好啦，死就死啦，首先打電話，問咗價錢佢話埋單268，上到去，我大概應該記得係差不多6:00左右，由我食到走，入左率都尚算可以，首先講環境，佢真係唔錯，有類似日式餐廳嘅VIP房，海景卡位，望海一流，之後會有個露天室外座位，如果天氣舒服，成個環境真係好正硬件就冇問題，咁食物質素如何呢首先講吓佢選擇多唔多先啦，其實我cap咗好多張圖，但係由於有限制所以放唔到咁多上嚟，我覺得佢選擇性唔係太多，食物方面尚算合格，不過有款壽司真係喺出邊都食唔到呢個醬燒壽司🍣，我真係不能忘記你，食落去好似食牛油一樣，最後嗰兩點就係，佢同我講我買單㗎 268原來仲係要比加一，我就唔介意比多26.8，不過如果呢個放題成三舊水，真係一啲都唔抵食囉！