東喜茶 (已結業)

雖然明知東喜茶唔係真既喜茶，但始終真·喜茶係內地，而呢間東喜茶就係公司附近，地理位置完全取勝，其實如果好飲既話...又唔會真係理佢個名係真定假。有飲過喜茶既人都知，呢間野出名厚芝士，呢日試左杯芝士火火，火火即係火龍果，有芝士係面既飲法同平時就咁插支筒入去有少少分別，職員會叫你一開始唔用筒，就咁斜斜地飲左先，咁就可以一次過飲芝士加火龍果汁，直接飲到個層次，確實濃厚既芝士令人無法抗拒，但東喜茶呢杯要$42，值唔值就要睇你點睇。