The Place

康得思酒店係呢個夏天推出咗(夏 ·日和風自助餐)，推出好多日本好嘢食，上月中假期的第二日同老婆大人食咗呢個自助餐，當係悠長假期斥的揭幕飯！一入門口就見到梳乎厘班戟老婆大人開心到叫咗出嚟！提醒大家早食早享受到夜D排隊等候時間要耐Ｄ架！仲有窩夫都係即焗配M記雪糕一流啦！不過講到又靚又正下面幾款蛋糕真係當之無愧，北海道夕張蜜瓜蛋糕像真度高又好味。女仔到不得了的櫻花草莓卷蛋都好鬼軟綿綿好味道。仲有清清的柚子蜂蜜蛋糕都係我like的蛋糕。咸食區有好多日式熱菜有味噌芝士焗龍蝦、咖喱類、鯖魚醬油煮、日式棒棒雞肉串、日本極上吉列黑豚肉、七味紫菜粉炒馬鈴薯、天婦羅、台式九層塔炒貽貝、日式烤烏賊仲有一口和牛粒通通有齊！中式都有唔少嘢食玫瑰豉油雞、日式牛肉炒飯、京蔥爆羊片、蒜蓉炒菜芯、上湯龍蝦鉗，每樣食D都好快收工！凍海鮮有即開生蠔、凍蝦、鱈場蟹腳、小龍蝦、東風螺及青口，都好新鮮食多D回本又易D！沙律唔係我杯茶但老婆大大超Like！我就鍾意食冷麵夠爽吖嘛！湯水都有三款椰子雞湯、煙肉酸椰菜湯同埋好多料既中式燉湯淮山蓮子燉雞。