一行七人來食下午茶, 星期日也有特價下午茶好抵, 奇怪不用等位, 原來今天雖是星期日但也是紅色假期所以冇特價, 既然黎到, 冇所謂喇!
菠蘿芋蓉包: 夠熱芋蓉夠香滑也不太甜, 好食!
叉燒酥: 一向唔鍾意食, 驚D 豬油, 但今次破例吃了半個, 好鬆化又夠熱, 好食!
鮮蝦腸: 好多蝦又大隻, 雖然皮稍厚但入口也滑, 不錯!
燒鵝瀨粉: 燒鵝太嚡冇乜味, 唔好食!
山竹牛肉: 有肉味, OK.
流沙包: 皮同饀都唔夠香滑, 行貨.
XO 蘿白糕: 糕太淋, XO 醬太少唔夠味, 份量也少, NO GOOD!
蝦餃& 炸云吞: 手慢唔夠佢地搶, 冇得食, 佢地話好食喎!
甜品: 椰汁糕一碟3件唔同款, 有貝瞉、花仔, 另一個好快俾人食左唔記得, 很滑很香, 芒菓布甸一碟兩尾魚, 很香芒菓味, 好食! 合桃糊我的至愛, 夠香濃滑, 掂! 雪耳萬壽果是熱食, 嘛嘛地.
Order 紙每枱每款只有一張, 成日要問waitress 攞, 好麻煩, 約四時waitress 掛住執枱做晚巿, 廚房亦開始洗野, 已冇乜人理你, 想食多D 點心都唔得, 埋單三百多元, 都算抵食, 如是特價下午茶則只雖二百多元, 更優惠.
以上食評乃用戶個人意見 , 並不代表OpenRice之觀點。
讚好
人均消費
$50
