影片
更多
2017-08-09
4427 浏览
放暑假小朋友就最開心，入左愉景灣玩下，順便試下佢地酒店的自助餐。酒店佈局優閒舒服，加上今日超大個太陽曬到成身好熱，入到酒店等如由地獄走到天堂！自助餐由12:00到14:30，難得今次可以坐同食足全程，十年都真係無一次。冷盤有青口，麵包蟹，小龍蝦。麵包蟹新鮮，但青口完全無味，小龍蝦質素只屬一般。熱葷選擇還可以，咕嚕蝦好味，雲耳炒班片夠彈牙，魚塊好味嫩滑。魚生區有三文魚、希靈魚，油甘魚，新鮮，但師傅刀功嚇人，件件連在一起，有待改善。沙律區蔬菜多元化，新鮮，另有煙三文魚，火腿，芝士等。甜品區正啦，蛋糕賣相吸引種類好多！甜品好岩食，好味！仲有movenpick雪糕總括大人埋單約三百蚊，當然不能比美五星級酒店，但論食材質素，多元化，環境都絕對對得住呢個價錢！賺左！P.S. 美中不足係全程無乜侍應收碟，可能始終山卡啦咁遠，難請人？
自助餐由12:00到14:30，難得今次可以坐同食足全程，十年都真係無一次。
冷盤有青口，麵包蟹，小龍蝦。麵包蟹新鮮，但青口完全無味，小龍蝦質素只屬一般。
熱葷選擇還可以，咕嚕蝦好味，雲耳炒班片夠彈牙，魚塊好味嫩滑。
魚生區有三文魚、希靈魚，油甘魚，新鮮，但師傅刀功嚇人，件件連在一起，有待改善。
沙律區蔬菜多元化，新鮮，另有煙三文魚，火腿，芝士等。
甜品區正啦，蛋糕賣相吸引種類好多！甜品好岩食，好味！仲有movenpick雪糕
總括大人埋單約三百蚊，當然不能比美五星級酒店，但論食材質素，多元化，環境都絕對對得住呢個價錢！賺左！
P.S. 美中不足係全程無乜侍應收碟，可能始終山卡啦咁遠，難請人？
张贴
