La Postre (厚福街) (已結業)

聖誕假期，周圍都特別多人，係厚福街見多間要等位，而呢間西多班牙餐廳，剛好有位，就試下呢間lunch set，有湯或沙律，主菜，飲品及甜品。$128至$200幾。松露忌廉湯，幾順軟濃調，但無咩松露味。個包唔脆仲有d韌，唔知焗左未？！蜜瓜沙律好清新，醋汁酸甜開胃，蜜瓜甜美多汁，好食。黑松露鮮蝦忌廉意粉見到用左大量黑松露，所以好香松露味，意粉煮得岩岩好，忌廉汁creamy順滑，意粉掛汁好好味，但蝦肉就麻麻地，爽口無味。漢堡配黑松露薯條抵食大件，漢堡厚肉重牛味，唔乾同多配料，個醬都好惹味。粗薯有口感薯味重，配茄汁好食，配松露醬更滋味香濃。士多啤梨mojito，果味好香，淡淡薄荷清新感，偏甜，有汽飲得好爽口，個人幾鍾意。雜果mojito，有點似什果賓治，甜度剛好，有汽好清爽。套餐加$15轉特飲甜品係朱古力窩夫，凍左d，份量太細，如果有2格就剛好。