帝樂 - 德國餐廳 (美利樓) (已結業)

復活節連假約左屋企人一齊入赤柱行下，一早book左依間德國餐廳既午市自助餐，方便大家揀自己鍾意食既食物。另外加錢買左2杯任飲啤酒，佢地有4款啤酒俾你揀，我地就試左黑啤同麥啤，都好滑好香。一黎到老豆已經專攻豬手同腸，話黎德國餐廳點可以唔食，味道唔錯，皮好香脆，配啤酒一流。但我個人最欣賞佢既凍盤蝦，相當新鮮厚肉彈牙，食左2輪。而另一意外驚喜係佢既甜品！甜品係大家食完都覺得有驚喜同好食，建議唔好錯過😋今次一路食一路望住個海景都咪話唔chill, 仲有尾聲叫左店員幫我地影合照，店員多角度攝影，一d都唔揸流攤，加分！