Flamingo Bloom (已結業)

Flamingo Bloom開到黎尖沙咀，實在再無藉口唔試呢間紅遍網絡嘅餐廳。店面繼續以一隻大紅鶴為招徠，裝修充滿夏日風情。除左多款飲品，最近仲推出左不同下午茶之選。兩個人各自揀左一杯飲品，再一齊分享一份厚多士。厚燒牛油果多士，鮮紅蕃茄配上嫩綠牛油果，賣相十分吸引。牛油果比想像中多，應該有一大個又或者一個半嘅份量。牛油果嘅Creamy口感，再加上鹹香味十足嘅蒜蓉多士，非常惹味。飲品方面全部都別出心裁，大多數都係由唔同名茶品種再配製而成。我試左新出嘅Smashed strawberry grapes x almond milk，味道又幾特別，清新自然。淡淡嘅杏仁奶味較易入口，唔會好似杏霜咁濃味。朋友試嘅亦都係新出嘅蜜糖啤梨綠茶。所謂綠茶，其實係茉莉花茶，清香淡雅。熱茶，仲有蜜糖加上啤梨蓉，係冬天咁乾燥嘅日子更顯得滋補養生。