小欖燒烤樂園 (已結業)

假期，三五知己一齊聚吓，一樂也...好耐冇去燒烤，我印象中喺屯門區嘅BBQ食物醃得最好味，就係呢一間...對上一次嚟呢度，係只得美食同埋麻雀耍樂，無其他㗎喇。今日嚟到眼前一亮，入門口右手邊多咗好多嘢玩，有吹氣sir滑梯，亦都有其他幾個攤檔，有適合BB啲嘅小朋友玩意，亦有青少年玩意... 麻雀耍樂，當然仍然有啦。食物多咗好多新款色，現時興嘅土匪雞翼、麻辣雞翼都有，蔬菜、丸類、瓜一應俱全... 入場百四蚊任食，包一支清水、一罐汽水... 價錢仍然懷舊... 好抵呀～食到一半，中發現有鬥快食雞翼比賽，原來係鬥快食，勝出者可以得到下次入場券，場面非常熱鬧！下次帶埋啲小朋友一齊嚟就好玩喇！