樺得園 (已結業)

W burger 一直放在我美食bucket list里，因为唔近自己嘅生活圈，所以一直未有机会去试。最近，得知这店快将结业，特意约左朋友放工后去，果然没有令我失望。W burger 是一间位于九龙城嘅地区街坊小店，有多款特色汉堡包，其中以黯然销魂菠萝汉堡包🍔极具香港特色。每一层都食得出店主嘅诚意。这里就让我解构一下：1. 汉堡包，是烘底菠萝包，面包香脆而包面脆皮唔会散开。面包是由店主的家族面包舖每日新鲜制作，位于同区，名为W Bakery。相信因为这原因，面包有品质保证。👍🏻2. 半熟煎蛋，煎蛋系煎得刚刚好，蛋黄半凝固，咬落去唔会流晒出嚟，所以唔会食到成咀都系。这个生熟程度做到恰到好处，系我喜欢嘅程度，好味道之余，食嘅时候可以保持仪态，唔会失礼。🤗3. 义烧，系主角，亦都系成个汉堡包嘅灵魂。义烧是店主自家制, 味道香甜，口感软腍，真系好好味，比好多烧味舖都整得好食😋这小店真是性价比超高，每款汉堡包都可以+$28升级做套餐，包括有小食及饮品。