八歌仙 (家樂坊) (已結業)

鐘意周圍搵好嘢食嘅我，搵到一間喺旺角家樂坊上面嘅日式燒肉火鍋放題。佢唔單止啲嘢食好吸引，位置仲非常方便，食完嘢仲可以去行街。所以我即刻book位約埋friend一齊嚟行街食飯！勁鍾意食好嘢嘅我哋當然係叫🌟熊本和王日本和牛餐🐮-，啲嘢食一嚟到我哋兩個已經嘩嘩聲！個賣相真係超吸引😍😍😍😍😍！！！  食完之後，個味道更加唔使講，真係超好味。肉質非常鮮嫩。而且牛肉味好濃。雪花嘅分布好平均。食落口完全係入口即溶！超正。🌟辣酒花螺🐚-細細份，唔算好多！花螺非常鮮甜，而且有好香嘅辣酒味。口感非常淋，一啲都唔韌。就算老人家食都可以咬得開👍🏻呢樣嘢真係值得讚！🌟蒜香炸墨魚咀🦑- 非常好食。墨魚咀大大粒，比香濃嘅蒜香炸粉包裹住再拎去炸。炸得非常香脆。而且有好濃郁嘅蒜香味🧄。真係超惹味！ 👍🏻🌟海中蝦🦐- 海蝦大細適中，而且非常新鮮。口感爽口彈牙。無論鐵板燒定打邊爐都非常好食。正☺️🌟芝士薯蓉年糕🧀- 呢個我都係第一次食。🥔薯蓉年糕包住左好香濃嘅流心芝士。成個有好香濃嘅薯蓉同芝士味。真係超正。呢個絕對要encore！