影片
更多
2020-03-07
14632 浏览
大家好！初黎報到，多多指教🤗睇我網名就知我係吃貨一名啦～平日最中意周圍去食好西😋 話明霸氣既我當然會將好食同唔好食，最真實既食評一一帶俾大家😎事不宜遲，今日介紹就係六星級享受既Ritz Carlton Café 103 lunch buffet😗😗😗我中意食lunch buffet，一定要揀有我至愛既蟹腳🦀供應，同埋甜品區吸引到我既！Lunch buffet CP值高，又唔洗食到咁飽就去訓🤭對上個次覺得好食既係洲際lunch buffet，但今次cafe 103 簡直用驚艷去形容😍首先望住呢個view飽覽九龍景色連海景🌊已經大殺菲林（sor 曝露年齡添🙃）再殺去海鮮區🦀🦐🐚🐟分別有我最愛既長腳蟹蟹腳，真係超級新鮮，食到蟹既鮮甜味！味道方面唔會太咸，忍唔住狂拆蟹腳🦀諗番都想再食過🤤 當然唔少得凍蝦，呢個都係高水準，新鮮有膏贏左！👍🏻同埋蜆同青口基本野好啦！轉戰重頭戲 - 甜品區😍😍😍首先有非常吸引眼球既大型high tea 架載滿不同切餅蛋糕、人手製朱古力、曲奇等等🧁🍰🍪以為咁就完？！ 仲有雪櫃雪住勁多款精緻甜品，簡直係任食版high tea😛自認chocoholic 既我真心超中意呢個
睇我網名就知我係吃貨一名啦～平日最中意周圍去食好西😋 話明霸氣既我當然會將好食同唔好食，最真實既食評一一帶俾大家😎
事不宜遲，今日介紹就係六星級享受既Ritz Carlton Café 103 lunch buffet😗😗😗
我中意食lunch buffet，一定要揀有我至愛既蟹腳🦀供應，同埋甜品區吸引到我既！
Lunch buffet CP值高，又唔洗食到咁飽就去訓🤭
對上個次覺得好食既係洲際lunch buffet，但今次cafe 103 簡直用驚艷去形容😍
首先望住呢個view飽覽九龍景色連海景🌊已經大殺菲林（sor 曝露年齡添🙃）
再殺去海鮮區🦀🦐🐚🐟
分別有我最愛既長腳蟹蟹腳，真係超級新鮮，食到蟹既鮮甜味！味道方面唔會太咸，忍唔住狂拆蟹腳🦀諗番都想再食過🤤
當然唔少得凍蝦，呢個都係高水準，新鮮有膏贏左！👍🏻同埋蜆同青口基本野
好啦！轉戰重頭戲 - 甜品區😍😍😍
首先有非常吸引眼球既大型high tea 架載滿不同切餅蛋糕、人手製朱古力、曲奇等等🧁🍰🍪
以為咁就完？！ 仲有雪櫃雪住勁多款精緻甜品，簡直係任食版high tea😛
自認chocoholic 既我真心超中意呢個朱古力布甸，朱古力濃度、滑度同甜度都恰到好處😌 忍唔住食左兩件！
用雪櫃雪水果突顯酒店用心程度，冰凍d好食d，仲衛生d添！
乾淨企理既雪糕櫃都加分，如果有人幫我裝埋就更好🤭
同場必備熟食區，凍盤區，日式料理區都一應俱全😉 由於時間關係，只有2.5小時，又有靚景，又拆蟹腳，食物方面完全未影哂，就連甜品都未show哂出黎😂
服務方面，Ritz Carlton 果然係六星級酒店，可能當日人數不算多，全程有一名外藉服務員服侍左右！ 試過咁多間酒店buffet, 呢間服務令我驚喜👍🏻👍🏻
總結而言，大家要知Ritz Carlton high tea 出名唔洗講🤩 平時要$698 兩位
我記得lunch buffet 有優惠連加一唔洗$400一位，就可以嘆到靚景，六星級服務，仲要任食high tea既甜品，同埋海鮮同多款熟食😋
我推介超級爆炸好味朱古力切餅，芒果開心果千層酥，仲有朱古力布甸😍😍😍 高於好多間酒店high tea既水準嫁！
酒店仲悄悄地俾左個驚喜我添🥰🥰
今日就黎到呢度啦👋🏻👋🏻
张贴
