九份飽 (蜆殼街) (已搬遷) 新店位置

今日黎炮台山見客，之前經過見到呢間台灣小食台大排長龍，咁岩過左,呢個鐘數唔算多人，機不可失就入去試下！我叫左個懷舊肉燥飯，細細碗岩哂我，可以留肚食其他小食！魯肉既肉肥瘦度剛剛好，入口好嫩滑，醬汁甜甜地非常好下飯，肉既份量都好足，夠哂成個飯！小食我叫左個台灣香腸，香腸烤得好香脆，旁邊重有生蒜一齊食，我就好中意生蒜，配埋一齊食夠哂惹味！甜品當然唔少得叫返個竽圓啦，呢間竽圓入面有紅豆、仙草同埋豆花！豆花好滑，竽圓好煙in, 糖水底唔會過甜，岩哂係咁熱既天氣下食，好清爽！呢度既台灣小食十分正宗，絕對會再黎呢！