Spice bazaar

睇咗介紹去呢間餐廳， 上到去之後比想像中細， 但係好乾淨， 幾舒服， 啲杯碟都好靚。午餐有兩種， 其中一種係燒烤午餐， 貴少少， 唔包飲品， 但係有無限添食薯條， 飯或者薄餅， 同埋以優惠價叫飲品。 唔記得影張餐牌。五個人叫咗五個不同嘅燒烤午餐， 魚同埋雞好好食， 其他都不俗， 除了蝦 比較一般。 無限添食嘅三樣嘢都好好食。飲品方面， 奶茶就咁睇個賣相都已經贏！ 味道方面，如果可以熱啲同埋少啲奶就好啦。朋友叫咗芒果乳酪， 佢哋話同平時飲開嘅唔同， 但係我就唔知咁叫做好味定唔好味。叫咗一個甜品分享， 因為叫之前佢哋已經提醒係好甜好甜，真係超級甜， 不過每人食少少就咩都試下啦！午市時間 唔係好多客，大概三四枱 ，亦都得一個人serve, 不過都冇咩問題。佢哋仲話係用organic嘅 材料， 食物全部都冇家防腐劑， 所以同出面食嘅有啲唔同。