嘉麟樓

营业中

休息中

半龍地位一直崇高，即使有很多新的酒店出現，但半龍的經典真的有他的位置，充滿貴族的味道。難得疫情無地方好去，便做吓孝順女陪媽媽飲飲食食。今次去了半龍嘉麟樓，一行6人，5大1小去飲茶，但要分開兩張枱，職員也很細心，把我們安排到較靜的角落，等我們行過去另一張枱也不尷尬（當然要預先book位）啦。選了幾款點心，比我想像中便宜，最緊要是可以逐件計，邊個想食唔想食，不用浪費或焗住食。招牌匈牙利鬈手豬叉燒無得輸，叫了一份$400，職員直接分成兩枱，始終6個人食每人只有1-2件。燒賣、黑淑和牛包無咩驚喜，而叉燒酥咬落酥脆加叉燒美味，兩件炸物脆蝦卷和松露酥值得一試。另外有些忘了影相，如XO醬腸粉要俾個讚，但因食物快凍，凍咗唔好食的情況下，便放棄相機食先的諗法。最後叫多兩個甜品，買單也是1900左右，雖然這裏的食物未算去到好高質，但也是誠意之作，以這裏的環境氣氛，絕對值得一試。