影片
更多
2008-08-19
10 浏览
8月16日, 行完超市再食埋包包都仲未有位. 真係諗唔明點解要等咁耐, 不過50個number實際都係大慨20張枱, 好多人走咗, 最後等咗50分鐘終於到我地, 入到去我地先明白要等既原因, 就係間格問題, 好多擺設同裝飾, 加上有唔少間房, 令到座位比較少, 淨係牆都已經佔咗唔少位~::: 大戶屋招牌定食 ::: $70定食同單品既分別係多咗前菜, 漬物, 湯, 同白飯… 飯都有幾種揀, 都係要番唔駛加錢既珍珠米白飯~ 真係好豐富! 前菜好特別, 有一隻勁辣既青椒, 有幾粒蝦仁加蔬菜, 都好好味~漬物既青瓜就麻麻地~ 湯原來係麵豉肉湯, 豬肉加蘿蔔, 好中式, 不過我地都係鍾意淨麵豉湯多d~招牌定食有炸雞, 炸薯餅, 一隻太陽蛋, 加大量椰菜絲~ 同埋有幾條長通粉, 幾有新意~ 跟餐有2隻醬, 近醬d既食物就點番個隻醬. 稀d酸酸地就配炸雞, 杰嗰隻好似bbq醬就點炸薯餅~ 2樣炸野都冇乜油, 幾香口, 尤其係炸薯餅, 唔係一舊粉團, 薯蓉入面仲加左牛肉碎, 好好味~ 炸雞就普普通通~ 隻太陽蛋就幾的適, 啱啱好遮住晒碗飯~ 珍珠米飯就普通, 有d一舊舊… ::: 雞肉蔬菜燴黑醋醬定
::: 大戶屋招牌定食 ::: $70
定食同單品既分別係多咗前菜, 漬物, 湯, 同白飯… 飯都有幾種揀, 都係要番唔駛加錢既珍珠米白飯~ 真係好豐富! 前菜好特別, 有一隻勁辣既青椒, 有幾粒蝦仁加蔬菜, 都好好味~漬物既青瓜就麻麻地~ 湯原來係麵豉肉湯, 豬肉加蘿蔔, 好中式, 不過我地都係鍾意淨麵豉湯多d~
招牌定食有炸雞, 炸薯餅, 一隻太陽蛋, 加大量椰菜絲~ 同埋有幾條長通粉, 幾有新意~ 跟餐有2隻醬, 近醬d既食物就點番個隻醬. 稀d酸酸地就配炸雞, 杰嗰隻好似bbq醬就點炸薯餅~ 2樣炸野都冇乜油, 幾香口, 尤其係炸薯餅, 唔係一舊粉團, 薯蓉入面仲加左牛肉碎, 好好味~ 炸雞就普普通通~ 隻太陽蛋就幾的適, 啱啱好遮住晒碗飯~ 珍珠米飯就普通, 有d一舊舊…
::: 雞肉蔬菜燴黑醋醬定食 ::: $75
同招牌定食一樣有齊前菜們~ 尤其欣賞個籮白蓉蝦仁茄子, 好好味~
雞肉蔬菜燴黑醋醬仲有椰菜絲真係好大堆頭~~~ 黑醋醬傳來一陣酸酸既醋味, 醬汁包住炸過既雞肉, 食落個feel竟然有d似食緊糖醋豬肉! 部份雞炸粉好似多左d, 雖然d粉都炸得脆幾好食, 不過就有時食唔到雞肉~ 蔬菜好入味, 但又唔會煮過淋, 都係爽脆的~ 茄子吸收左黑醋醬又係超級好食! 椰菜絲加紫洋蔥絲撈埋個沙律醋真係清新開胃呀~ 超讚~!
白飯任添亦都係呢度特色之一, 成間店都做到好日本風, 呢個可能係佢地可以喺日本有咁多間分店既原因. 不過黎到香港, 就發現侍應既態度同服務手法還有待改善… 另外, 睇咗日本大戶屋網頁原來呢2個定食係最受歡迎頭2位架, 果然有料到~
张贴
