影片
更多
2008-01-12
18 浏览
9個月後的今天相同的角色相同的店舖，我們又再聚首一堂~嘻，值得我為此而感恩今次我沒照相，因為我們又再照舊叫返四人套餐(可參考此店我的舊食評)，但最後我們沒有另叫nann等等…因為各人前往dinner前都各自tea了。其實與上次四人套餐內所揀選的都係大同小異…咁我就概活將兩次的菜式互相比較一下。餐湯：是日餐湯仍係鹹，但沒上次這麼鹹。薄脆—今次與餐湯一齊上菜的薄脆改善了。上次很很很鹹，但今次不但沒這麼鹹，而且還有很多洋葱碎等等鋪面，很fresh！餐前小食—咖喱角保持水準。套餐內我們已揀了咖喱角作為餐前小食，但侍應小姐仍堅持送多我們一客咖喱角~真慷慨！其實餐前小食另有mixed、炸洋葱圈或炸魚可揀。(mixed就唔包括洋葱圈，但當中會夾雜有野菜類)烤餅—因為我們今次唔要飯可揀五款，原味、芝士、蒜蓉、新德里烤餅和手帕烤餅。全部都很美咮，我會由最美味的次序排列…蒜蓉>新德里>手帕>芝士>原味咖喱—我們上次揀了羊、雞、海鮮，今次就叫羊、海鮮、蝦！因為上次食過雞我覺得一般。叫返羊係因為幾位食友都覺得上次的羊很稔又唔羶值得encore，果然今次仍不負眾望keep住；叫返
今次我沒照相，因為我們又再照舊叫返四人套餐(可參考此店我的舊食評)，但最後我們沒有另叫nann等等…因為各人前往dinner前都各自tea了。
其實與上次四人套餐內所揀選的都係大同小異…咁我就概活將兩次的菜式互相比較一下。
餐湯：是日餐湯仍係鹹，但沒上次這麼鹹。
薄脆—今次與餐湯一齊上菜的薄脆改善了。上次很很很鹹，但今次不但沒這麼鹹，而且還有很多洋葱碎等等鋪面，很fresh！
餐前小食—咖喱角保持水準。套餐內我們已揀了咖喱角作為餐前小食，但侍應小姐仍堅持送多我們一客咖喱角~真慷慨！其實餐前小食另有mixed、炸洋葱圈或炸魚可揀。(mixed就唔包括洋葱圈，但當中會夾雜有野菜類)
烤餅—因為我們今次唔要飯可揀五款，原味、芝士、蒜蓉、新德里烤餅和手帕烤餅。全部都很美咮，我會由最美味的次序排列…蒜蓉>新德里>手帕>芝士>原味
咖喱—我們上次揀了羊、雞、海鮮，今次就叫羊、海鮮、蝦！
因為上次食過雞我覺得一般。叫返羊係因為幾位食友都覺得上次的羊很稔又唔羶值得encore，果然今次仍不負眾望keep住；叫返海鮮係因為我覺得上次海鮮咖喱裡面有鮮魷令到個汁很美味，今次叫返仍然keep住(結果整兜我據為己有沾nann)；今次試叫蝦我就待慢了~已被其餘的食友掃晒！咁即係很美味啦！？各人都話d蝦很爽。
鐵板燒烤—捨棄了上次的雜錦款今次試叫羊肉鐵板通心卷…oh~到通心卷來到時我才回想起另一次二人叫的羊肉kebab，結果幾位食友怕羶就由我包底了。
甜品—仍係雪糕，上次係像呂宋芒味的雪糕，今次就cookies & creame！侍應小姐今次仍係與上次一樣甜品都送多杯…她說：怕你們打交耶！^^""
餐飲基本都係叫果汁，芒果奶昔、檸檬soda、石榴汁和餐酒紅酒…果汁甜了少許但冇人飲剩，餐酒飲到落底另一侍應還問：no more…！？(有得添酒！？)
食後感：
仍然很滿意的一餐飯，各樣水準keep住仍然穩定，甚至各類的nann我覺得更進步！
除了抵食，由過往阿拉丁神燈服務的侍應改為一位靚女侍應貼身為我們幾個服務…服務態度仍然很nice對客人慷慨~識做生意^^
至少對於我們幾個新界人來講慳返車錢，不用下下出重慶...車錢慳埋那筆數已可叫多幾個菜
這餐飯各人期待了已久，因為多人食才多選擇，而且美味嘛！希望在座各位會滿意我所點的菜，亦感謝各位賞面出席。>3<
今次沒vip咭送，因為其中一位食友遺失了上次一齊聚餐時那張vip咭…今餐係臨時改venue，慶幸其中另一位咁岩有帶就有9折。
5人去食共$340~各人$70！
經濟算叫牛巿，inflation到啤一聲...巿區dinner default要每人至少$100才落到樓仲要份量縮水~試問我還要嫌什麼？
张贴