影片
更多
2020-08-01
739 浏览
今日去黃埔行街，發現咗一間主打古早味蛋糕既小店。之前喺屯門食過第二間古早味蛋糕覺得平平無奇，所以都冇咩期望，但老闆見我係門口周圍望，就好熱情咁介紹曬每款蛋糕比我，仲比左幾份唔同口味既蛋糕我試，真心覺得味道相當唔錯，最後我就買左佢地最招牌既柚子同芝士肉鬆返去！屋企人都大讚好味！芝士肉鬆：我最鍾意就係芝士肉鬆口味，外脆內軟，芝士同肉鬆嘅配搭好有默契，食落充滿咸香，超級好味，而且賣相都係一流。柚子：蛋糕入面真係有一粒粒既日本柚子皮，經烘乾過後更加香氣逼人，配合台灣龍眼蜜等等既食材，蛋糕香軟之餘，仲有誘人既柚子清香，食落係好舒服嘅感覺，感覺到柚子同蛋糕二合為一，互相搭配，非常出色。-朱古力：食朱古力口味嘅時候會諗起心太軟，口感外脆內軟。師傅係沿用香格里拉酒店既做法，用熱力逼爆可可粉，令到朱古力更加濃郁，但係又唔會過甜，唔會有太甜膩既感覺。係我暫時食過最好食嘅朱古力古早味蛋糕。呢三款口味嘅共通點，就係蛋糕嘅口感非常香、軟，而且有淡淡蛋香，令人住一口接一口。雖然價錢一定唔係最平，但係完全感覺到餐廳既用心，對食材嘅執着，味道亦都有驚喜。雖然我唔係住紅磡區，但之後我應該都會特登過嚟紅磡買🥳
今日去黃埔行街，發現咗一間主打古早味蛋糕既小店。之前喺屯門食過第二間古早味蛋糕覺得平平無奇，所以都冇咩期望，但老闆見我係門口周圍望，就好熱情咁介紹曬每款蛋糕比我，仲比左幾份唔同口味既蛋糕我試，真心覺得味道相當唔錯，最後我就買左佢地最招牌既柚子同芝士肉鬆返去！屋企人都大讚好味！
芝士肉鬆：
我最鍾意就係芝士肉鬆口味，外脆內軟，芝士同肉鬆嘅配搭好有默契，食落充滿咸香，超級好味，而且賣相都係一流。
柚子：
蛋糕入面真係有一粒粒既日本柚子皮，經烘乾過後更加香氣逼人，配合台灣龍眼蜜等等既食材，蛋糕香軟之餘，仲有誘人既柚子清香，食落係好舒服嘅感覺，感覺到柚子同蛋糕二合為一，互相搭配，非常出色。
-
朱古力：
食朱古力口味嘅時候會諗起心太軟，口感外脆內軟。師傅係沿用香格里拉酒店既做法，用熱力逼爆可可粉，令到朱古力更加濃郁，但係又唔會過甜，唔會有太甜膩既感覺。係我暫時食過最好食嘅朱古力古早味蛋糕。
呢三款口味嘅共通點，就係蛋糕嘅口感非常香、軟，而且有淡淡蛋香，令人住一口接一口。雖然價錢一定唔係最平，但係完全感覺到餐廳既用心，對食材嘅執着，味道亦都有驚喜。雖然我唔係住紅磡區，但之後我應該都會特登過嚟紅磡買🥳
张贴
