大喜屋

营业中

休息中

約咗幾位住喺沙田嘅朋友去位於沙田廣場嘅大喜屋食放題。店舖面積頗大，燈光柔和，適合輕輕鬆鬆食嘢。閒日一至五中午$218食三個鐘，呢個 gimmick 當然吸引唔少人幫襯。除咗刺身冷盤之外，一些熱食都很吸引，好似串燒類別，個人最鍾意食牛舌，帶少少鹽味，啃下啃下幾爽口。創意壽司、蜆等燒菠蘿都唔錯，暖暖地咬落去又多汁。天婦羅入面我又鍾意食炸蝦，脆醬不會厚幾香口。攞起杯仔斟了兩杯梅酒，好似食居酒屋嘅格調，似模似樣。食得太多肉，可以叫呢個湯浸莧菜，平衡一下。甜品類，冷熱皆有呢度有個亮點就係執嘢執得快，因為佢哋嘅服務員不斷推架車仔繞場，見到要執碟就即刻做，所以幾爽手。食飽飽，叫了找數，服務員還遞上了意見調查表，心中覺得滿意，所以大部分都寫了較高分數，表揚一下呢間舖頭啲服務待應先得。