泰.越.港 (已結業)

朋友呢頭返工，話搵到間抵食夾大件既東南亞餐廳，去donki前食左野先位置唔算難搵，就係donki附近，賣零食好平果檔一行入去就係叫左呢個二人餐，但又有其野野想食，叫叫下叫左成枱野位置大概20幾個，坐得都舒服上餐好快，一黎係細既無骨鳳爪$28，份量唔算少，係淡淡既酸辣味，味道合格再黎係送既例湯，本身以為會好一般，點知飲落口係好香椰味，又微辣，湯清甜無味精。另外加野飲，配餐7折，龍眼水推薦，唔係死甜，好潤。見有其他人都叫呢海南雞飯，雞係無骨既，都夠滑，配埋個醬汁，好好送飯。炒肉碎係我去每一間泰式餐廳必叫既菜式，呢間人係我心目中既三甲。好有wok氣，肉碎炒得唔會太乾身，配上洋蔥甜甜地，好味。亦都好欣賞佢上面果d炸九層塔。馬拉盞炒通菜，一樣好有鑊氣，菜夠新鮮。火喉真係好重要。炸蝦餅夠彈牙，一件份量剛好。芒果好甜，而糯米飯係熱辣辣既，食完好滿足。 最後加多個椰汁西米糕，食到入面有馬蹄同粟米，好有咬口。