影片
更多
2020-09-21
1374 浏览
廚尊(@dignitykitchenhk) 係一間新加坡 🇸🇬 社企@projectdignitysg 主理嘅大排檔式食堂，主打星馬菜式 - 海南雞飯, 叻沙麵, 咖央多士等等🤩🐓 海南雞飯 ($65)聽聞呢度係冇用到冇生過蛋嘅母雞，所以雞味就一般啦，唔算嫩滑又未到乾。雞個飯都算ok既，再濃啲香啲就更好。成個set最好係嗰3個醬，應辣得辣，應甜得甜😚🍜 雞叻沙 ($58)整體上好過海南雞，雖然d雞件係海南雞嗰度移花接木過嚟既，但係個湯好濃好高分，下次再嚟應該都會叫佢❤️❤️♨️ 臘腸雞煲仔飯 ($58)眼見隔離枱有叫好似幾正所以額外叫咗份😆 有飯焦，不過可惜啲雞油唔係好落到去個飯度😕 建議都係去返啲傳統出名食煲仔飯嘅地方食🥪 咖央多士 ($26)呢個好食，回頭率高！聽聞咖央醬係自己用斑蘭葉整嘅😍😍佢地都有一罐罐咁賣，試過覺得好食可以買！唯一要注意嘅係多士裏面除咗咖央醬外，仲有一塊厚切牛油片-個人覺得太多啦😕份量一半就啱啱好😶呢間社企餐廳有7個檔口，一共請咗20個某程度上有特殊需要嘅員工打理。我哋就覺得老闆分工都分得好好，佢哋仲會時不時請啲弱勢社群食餐飯。淨係呢點，都值得我哋去多多支持啦👏🏻👏
🐓 海南雞飯 ($65)
聽聞呢度係冇用到冇生過蛋嘅母雞，所以雞味就一般啦，唔算嫩滑又未到乾。雞個飯都算ok既，再濃啲香啲就更好。成個set最好係嗰3個醬，應辣得辣，應甜得甜😚
🍜 雞叻沙 ($58)
整體上好過海南雞，雖然d雞件係海南雞嗰度移花接木過嚟既，但係個湯好濃好高分，下次再嚟應該都會叫佢❤️❤️
♨️ 臘腸雞煲仔飯 ($58)
眼見隔離枱有叫好似幾正所以額外叫咗份😆 有飯焦，不過可惜啲雞油唔係好落到去個飯度😕 建議都係去返啲傳統出名食煲仔飯嘅地方食
🥪 咖央多士 ($26)
呢個好食，回頭率高！聽聞咖央醬係自己用斑蘭葉整嘅😍😍佢地都有一罐罐咁賣，試過覺得好食可以買！唯一要注意嘅係多士裏面除咗咖央醬外，仲有一塊厚切牛油片-個人覺得太多啦😕份量一半就啱啱好😶
呢間社企餐廳有7個檔口，一共請咗20個某程度上有特殊需要嘅員工打理。我哋就覺得老闆分工都分得好好，佢哋仲會時不時請啲弱勢社群食餐飯。淨係呢點，都值得我哋去多多支持啦👏🏻👏🏻
佢同時亦都係活化咗既上海街618舊建築群項目其中一員，一入去第一個感覺都幾新鮮幾有空間感，用餐環境十分舒適。整橦618都好多新嘅小店舖頭仔，有興趣嘅朋友仔食飽飯想行下就啱哂啦👍🏻
张贴
