影片
更多
2019-09-20
82 浏览
今晚去荔枝角接媽咪放工，撐下枱腳。媽咪話成日食中餐，今日想試下Fusion菜。上openrice search到一間食東南亞菜，個名好特別，叫圍威喂。就係你啦！Google左地址唔難去。荔枝角地鐵🚇C出口一出，轉入右毛邊條街，見到加油站⛽️向左行幾步就係啦。圍威喂係地鋪，夠晒方便唔使左搵右搵。餐廳入面唔算大，不過啲座位都好闊落。除咗兩人枱同四人枱，都有幾張長枱，可以俾一大群朋友聚會。一入去，環境俾人非常舒服😌既感覺，裝修簡單得黎都有獨特個性。連餐具都有精心設計。成間餐廳啲佈置都俾人好正面積極既感覺，仲有留言板俾人寫低想講既野。我地因為大肚餓，所以叫左圍威喂!炒金邊粉同泰式蟹肉炒飯。再加左個小食- 香辣糯米雞翼。圍威喂!炒金邊粉。基本上係東南亞菜必叫菜式。不過唔算太濃味，微微嘅酸甜感覺，加左啲菜甫。另外大蝦🍤好爽口，不過冇咩鮮味，仲有大大條雞柳同豆干，十分足料。啲金邊粉用蛋整成既網包住，好靚。不過岩岩睇到以為好細碟，不過將佢鋪滿成個碟，就知道一啲都唔少。泰式蟹肉炒飯係店員推介。原來係得夜晚先有嫁。呢個炒飯堅好食，我同丫媽讚不絕口。味道唔辣，炒飯頂鋪左蟹籽同蟹肉。佢好食係因為加咗啲豆角粒。食
Google左地址唔難去。荔枝角地鐵🚇C出口一出，轉入右毛邊條街，見到加油站⛽️向左行幾步就係啦。
圍威喂係地鋪，夠晒方便唔使左搵右搵。餐廳入面唔算大，不過啲座位都好闊落。除咗兩人枱同四人枱，都有幾張長枱，可以俾一大群朋友聚會。
一入去，環境俾人非常舒服😌既感覺，裝修簡單得黎都有獨特個性。連餐具都有精心設計。成間餐廳啲佈置都俾人好正面積極既感覺，仲有留言板俾人寫低想講既野。
我地因為大肚餓，所以叫左圍威喂!炒金邊粉同泰式蟹肉炒飯。再加左個小食- 香辣糯米雞翼。
圍威喂!炒金邊粉。基本上係東南亞菜必叫菜式。不過唔算太濃味，微微嘅酸甜感覺，加左啲菜甫。另外大蝦🍤好爽口，不過冇咩鮮味，仲有大大條雞柳同豆干，十分足料。啲金邊粉用蛋整成既網包住，好靚。不過岩岩睇到以為好細碟，不過將佢鋪滿成個碟，就知道一啲都唔少。
泰式蟹肉炒飯係店員推介。原來係得夜晚先有嫁。呢個炒飯堅好食，我同丫媽讚不絕口。味道唔辣，炒飯頂鋪左蟹籽同蟹肉。佢好食係因為加咗啲豆角粒。食嘅每一啖都索索聲。
香辣糯米雞翼，即叫即炸。所以我哋食嘅時候熱辣辣，外脆內juicy，咬落去仲有啲肉汁必出黎，但入面啲糯米真係幾辣。原來隔左成15分鐘先食，入面都一樣熱辣辣，可以keep到個溫度。不過我就略嫌個雞翼外層揸到個皮有少少黑黑地，一見到嘅時候以為佢係炸燶咗，不過食落去又唔算燶
見個雞翼辣辣地，丫媽話不如叫返杯野飲飲下啦！一望去角落頭就見到部啤酒機🍻。我同媽咪都唔係咁鍾意飲啤酒，不過見到個啤酒機咁鬼趣緻，我地忍唔住都要八卦下。原來圍威喂加入左一個香港製造既手工啤- 門神啤酒🍻。聽店員講佢地揀左其中二款，孫悟空琥珀啤酒同南雲山普洱茶啤。連個名都搞笑過人，我梗係追住店員哥哥問下。店員哥哥一啲都唔嫌我煩。
^_^佢話孫悟空琥珀啤酒比較濃啲，特別係食東南亞比較濃味嘅食物，叫呢款就岩啲。一般男仕都會叫呢款。最特別是帶有水蜜桃芳香，帶出孫悟空偷吃蟠桃「大鬧天宮」的故事！
而南雲山普洱茶啤獨特之處就是在酒香間散發淡淡的茶幽香。講吓講吓，哥哥仔俾左杯俾我地試下。味道真係唔濃，真係啱晒女仔，特別係我哋呢啲唔係幾飲啤酒嘅人，淡淡地，啱啱食完辣野但又可以中和下。
甘中西合壁的本土味道，真係值得支持！雖然我本人唔係咁好啤酒🍻，但我有一班鍾意飲手工啤嘅朋友，已經約咗佢地月尾黎，一齊圍威喂，啤吓傾吓計聚吓。。
另外，哥哥仔話我知，佢哋星期六仲有打小人活動。近期發生甘多開心嘅嘢，大家不妨過黎啤一啤，順便打下小人啦。我真係見到鋪頭放住左兩個磚頭㗎！
總體黎講，食物對我黎講，我覺得係我非常接受既水平。當然如果對於好講究既食家，甘一定係有需要再加強。不過有時我覺得出去食嘢，服務環境衛生都好重要。呢幾點圍威喂就完全唔輸蝕。
因為我同媽咪都食左一段時間，睇到幾枱客都有點呢個青咖哩生滾雞球同海南雞。好唔好食就唔知，不過下次黎就打算試吓，當然仲有我老公最愛既coffee啦！
张贴
