首爾石鍋燒

哩間旺角小店我一直有支持開，都已經幫襯左好幾年。

我最鍾情嘅係《泡菜烤肉豆腐鍋》，泡菜湯底味道香濃獨特，酸酸辣辣，好好送飯。而且材料豐富，有泡菜，烤肉，滑滑豆腐，水蛋，韓國魚片，粉絲浸住泡菜湯食尤其好味！食完一定好滿足。

泡菜烤肉豆腐鍋

泡菜烤肉豆腐鍋-粉絲

泡菜鍋-配飯

另外我朋友叫左《泡菜炒牛肉鐵板飯》，哩個我自己都食過幾次，好惹味的！上臺時炸炸聲勁香，味道好正，又香又辣，d汁撈飯一流！牛肉粒分量都好多，口感十足！

泡菜炒牛肉鐵板飯

哩度除左泡菜湯鍋，泡菜炒牛肉鐵板都好正啊！

另外試左《韓風一口雞》，好香好脆口，一口一啖剛剛好！

韓風一口雞

哩間小店疫情期間依然人流不絕，必有其優勝之處！值得繼續支持！