秋月居 (已結業)

這一間日本居食屋在德寶十分出名，在中午lunch time，常常需要排隊。所以今日，等到2:30才去到餐廳，餐廳比較細小，典型嘅日式居酒屋格局。這裏的串燒也是比較出名的，但是餐廳3:00就要落場，還是叫定食吧。中午定食價錢並不貴，只是45至$70左右，還包一個麵豉湯 或 檬茶。選擇了一個燒牛肉飯，和一個三文魚帶子飯。麵豉湯不過不失，算是濃郁。牛肉飯比想像中驚喜，牛肉燒得香濃，醬汁好香，還有一隻溫泉蛋，$45嘅價錢，真係十分抵食。三文魚和帶子的份量比較多，魚生新鮮，鋪滿了整碗飯，飯嘅份量頗多，以一個女生嘅份量，係吃不完一碗飯仲可以$20換兩隻明太子雞翼，雞翼炸得趣卜卜，很香口。服務態度不錯，只有一個侍應在，但係有禮貌，自動奉上熱嘅綠茶。食物質素 和 服務都不錯，係值得支持嘅小店。