車仔麵的配料由$8到$12，選擇頗多，除了自選外，還有餐廳的皇牌套餐，適合一班有選擇困難症的人。
今日我就自選了沙嗲豬紅，麻辣雞腎，瑞士雞翼及手工九菜雲吞配淮山麵($62)，賣相不錯，排得整齊。淮山麵在車仔麵店比較少有，用淮山磨粉做麵, 口感爽滑彈牙, 非油炸感覺比較健康，所以加$4都要一試。各款配料都做得不錯，雞腎的麻辣夠惹味，雞翼軟淋入味，九菜雲吞是多菜少肉，充滿九菜香。
另一碗是咖哩魚旦，咖哩魷魚，牛柏業，九菜配咖哩汁米粉($52)，濃濃的咖哩汁十分惹味。魚旦是最愛的陳皮魚旦，魷魚爽脆。這裡的配料份量其實比其他店為多，一份魚旦可以有8粒之多。
我還很喜歡他們的菜圃及辣汁呀!
飲品跟車仔麵加$8，豆漿還可以免費refill一次。
另外只要單次消費滿$100, 還有一支消毒噴霧贈送，十分細心。
