貴花甜糖水甜品專門店 (已結業)

男友超鍾意食甜品, 所以會四周圍搵唔同既甜品店試下...之前男友鍾意去鑽石冰點度食爆冰, 點知執左, 於是係附近搵下有無其他甜品舖~離遠已經見到有一間舖頭埋滿人係門口等緊位...初初以為係食肆, 行到正門先知係甜品舖...幾大湊熱鬧等埋一份啦...終於到我地喇...一坐低已經有個男仔好有禮貌咁介紹拎獎既 "火焰橙酒雪山雪糕"..我當然就試呢個喇~ 而男友就要左普通朱古力口味既...雖然用左橙酒, 但 D 甜酒好易入口, 連平時唔飲酒既我都接受到....最鍾意既係, 佢舖頭所有既雪糕都係 Dreyer's... 好好味