一日三餐 (已結業)

今日同小朋友喺旺角搵地方食下午茶，想揀間企理少少又有質素嘅茶餐廳確係唔容易。忽然想起之前附近呢間之前排長龍嘅喺附近，見佢的確比較燈火通明、光鮮企理就入去試下。叫咗茶餐最普通嘅蛋牛治同奶醬多，出乎意料之外，質素唔錯，交足功課，炒蛋火候啱啱好，上枱時有少少蛋汁流出來，奶醬多士就鬆化，醬料滿滿，小朋友食到好滿足。食得出個廚房好用心煮嘢。另外見隔離枱叫焗飯、黑松露炒蛋菠蘿包，熱辣辣好似好吸引，下次一定要去試下先得。