所以時不時都心郁郁想食印度菜，早排就比我遇上左間令我好深刻嘅印度餐廳。
佢就係位於中環既Bombay Dreams，呢間餐廳已經連續12年得到米芝蓮推介，所以令我好期待！
1
餐廳寬敞，環境舒適，沙發位坐得好舒服，非常適合多人聚會。
前菜係印度菜裡面既米糕，口感特別，糕點味都好夠！
Bombay Chilgoza Prawns，印度式炸蝦，食落去外層勁酥脆，炸蝦口感彈牙，配上蕃茄咖喱醬，咖喱醬帶微微香辣，酸酸甜甜，好開胃！
Tandoori Murgh Tikka，充滿印度特色既一道菜，可以話係印度菜必食！
雞肉經過烤製，口感香烤肉嫩，係我食過咁多間最嫩既Chicken Tikka，雞身帶淡淡香料味，配搭埋薄荷醬，香烤感加上酸甜清爽，寧舍開胃。
Chicken Makhni，超有名既「牛油烤雞」，咖哩超香濃，奶香味夠晒突出，雞肉又夠嫩，岩晒配飯或Naan一齊食，會令人停唔到口！
Mutton Beliram，羊肉燉得好入味，夠晒鮮嫩，食過唔係好蘇，配上濃郁醬汁同洋蔥增加爽脆口感，值得一試。
Garlic Naan，外皮烤得酥脆，內裡鬆軟，帶淡淡蒜香味，配印度咖哩食簡直一流，每次食咖哩都一定要嗌返碟！
Bombay Jamun 甜度適中，口感軟燸，味道有d似蜜餞。
第一次食印度雪糕，Kulfi (Saffron)口感順滑，非常重印度式香料味，味道好特別。
Mango Lassi，口感濃稠，芒果味夠濃郁，酸甜口感好過癮，不過Mango Lassi飲飲下就好易飽！
