塩玉居酒屋 (已結業)

尋晚同女友黎左呢間日式居酒屋，食落唔錯，想向大家推介。一開始先叫左個雜錦魚生沙律，好多魚生，仲有其他魚，仲有好多菜，感覺好健康. 之後黎個小食，點左個蔥吞拿魚腩薄脆，d 吞拿魚蓉新鮮，而且有少少明太子係底，食落好滋味！之後點左個築地壽司拼盤，入面有八件壽司，最好食係海膽、吞拿魚、甜蝦，其他都唔錯。女友叫左個海鮮茶壺湯，湯味好特別，有d 蜆味. 至於串燒，叫左燒雞翼,蒜香蔥牛肉，燒得岩岩好，唔會太咸或太淡，勁好食. 之後再上黑松露甜蝦卷，呢個正呀，係好香既黑松露，不過亦冇遮到蝦既鮮味。最後黎個季節甜品，有抺茶櫻花奶凍，食落好特別，中間果層啫喱狀，靚！