孖啡 (已結業)

今日陪朋友喺旺角買完野之後，佢帶咗我去一間樓上咖啡室食晚飯。呢間餐廳我印象中好似上年都有嚟過，淨係記得佢嘅嘢食幾好味，不過詳情就唔係好記得，今次食返，認證返我嘅記憶係冇錯，呢間的確好味！首先我見晚餐都幾抵食， 100左右已經包左飲品，我仲再加多少少錢要個餐湯。首先嚟嘅係餐湯，一嚟已經有好香嘅龍蝦湯嘅味道，呢個龍蝦湯真係好驚喜！有超級龍嘅龍蝦味，食落真係食過返尋味！我都食到停唔到。意粉方面，我叫咗卡邦尼意粉，佢嘅忌廉汁好香，一食落去好有驚喜，我平時係鍾意食重口味嘅人，覺得佢嘅味道好夠，啱我心水，因為我最怕就係啲意粉醬汁冇咩味，呢個絕對冇呢個問題，做得好。飲品方面我叫咗個薄荷朱古力嚟飲，啲薄荷味好香，飲落感覺好似食緊一個薄荷朱古力雪糕咁，很好。滿足嘅一餐，下次我帶下其他朋友嚟食先！