蒲頭島 (已結業)

之前睇過YouTube 介紹，咁岩又係附近，決定上去試一試。由於食時段係最貴，所以人唔多，但地方寬敞就係佢既一個賣點。我地決定加錢要兩個湯底，沙嗲同西班牙海鮮，都足料，夠香。食物方面好新鮮，款式好多，連鹵牛腩，大腸都有，不過係用黎打邊爐。我用黎煲吓湯，湯味更濃。拎到枱既枝裝好sharp飲品，我仔就好鐘意，但我就一般，因為唔夠凍，凍d可能好飲d.雪櫃既菜同其他食物都放得好整齊，好乾淨。 點既助料都好多選擇，亦好清楚寫明。唯一失望係個甜品唔夠多，只有雪糕同賣相一般既蛋糕，不過自斟雪糕好味，唔係乳酪。員工反應快同好友善，我話佢知雪糕糖漿個樽漏漿，佢立刻去清理，最緊要，係笑住，唔係個d扮聽唔到，黑晒面個隻，真係抵讚。(尤其是梳長馬尾個位。