LITE (已結業)

間中都會去附近cafe買啲輕食值Lunch，經過都唔知有間專賣果汁同沙律嘅地方，見到唔少OL都幫襯，就一於試吓！沙律除咗有預設款式，仲可以自由配搭，餐牌仲好貼心咁列出每樣食物嘅卡路里！一場嚟到當然要試吓佢地嘅果汁，果汁以冷壓方式製成，100%原汁，無添加糖，亦冇用濃縮還原。呢種冷壓方式做出的果汁可以完整保留蔬果營養成份👍🏾👍🏾👍🏾Beetroot Apple Juice雖然好多人都好怕紅菜頭嗰陣味，但紅菜頭的水溶性纖維豐富，加入甘荀、蘋果、薑及檸檬，中和咗紅菜頭嘅味道，更易入口！除咗果汁仲有咖啡供應，同行朋友嗌咗一杯Flat White，精緻拉花，奶泡打得夠綿密，口感頗順滑，味道比隔離嗰間緊香醇濃郁💓💓💓LITE Caesar Salad沙律份量比想像中多好多，足夠2人分享有餘😱😱😱 沙律主要有羽衣甘藍、車厘茄、紫椰菜絲配上雞胸肉及烤南瓜。值得一讚是羽衣甘藍，外表呈深鮮綠色，口感脆身，菜葉幼嫩完全不帶苦澀。加上羽衣甘藍營養價值超高，必然係最佳減肥之選🤩🤩🤩Caesar dressing味道略帶微酸，完全唔膩，極開胃！食完即刻推介俾鍾意健康嘅同事✨✨✨