Spring field (已結業)

每當自己一個出去食野 我都會好認真咁去諗食啲乜 一來機會少 二來我想食一啲平時比較少同朋友一齊約出嚟食嘅野🤔最後我揀咗去食越南湯河 而呢一間個人認為係絕對值得推介比大家嘅小店◾澳洲牛肉牛丸雙拼河睇相都見到好好J 薄牛肉質地好好 夠嫩 而牛丸亦彈牙 如同佢哋個食法介紹所講 加醬係正宗越南食法 但佢哋嘅牛夠晒味 可以唔洗另外加醬 的確係好重牛味啊🤤🐂另外佢地用嘅係和牛湯底 好味之餘相信都無加味精 我飲咗大半碗 一啲口乾感覺都無最後我要高度讚揚佢哋嘅河粉 煙韌彈牙 絕對係無夾到"碎濕濕"💯食完埋單時我都要特登話比店員知我好欣賞◽招牌春園春卷入面有粉絲/木耳/蘿蔔絲 皮好薄 好脆 啱啱炸起都無乜油膩感 配埋生菜同青檸魚露汁更加fresh呢間小店確係小 店內座位不多 不過位置尚算安排舒服 staff嘅服務態度亦好好