金閣御膳正宗海鮮蒸氣石鍋 (已結業)

屋企楼下新开咗间海鲜煮气石锅，早两日见好多人食，钟意食海鲜嘅我一于约埋朋友试吓啦！我哋一行10人去到，感觉间店舖好舒适，装修好grand地方仲好阔落仲有几间独立房，每间房有电视预先book咗位，所以预留咗间房比我哋。间房都好大，10个人坐落之余仲好松动，间房仲有露台，露台仲有枱櫈，几个朋友喺度吹水真一流食物方面，先嚟个小食酱爆蚬肉，有蚬肉外仲有九菜同菜甫，非常野味，食完一碟再柯打多碟 另外点了一口牛，味道几好，咬落去好松软。 而另一款熟食士多啤梨生炒骨，呢个真系好好味，佢味道唔太酸又唔太甜，味道刚刚好，生炒骨好脆口，个个赞不绝口 之后就嚟个象拔蚌同𫠒红鱼刺生，一食落口极之新鲜极之甜，值得一赞 𫠒红鱼鱼身就用椒盐做法嚟煮，非常好味，又香口又松脆，简直一流 石锅粥底拣咗瑶柱、淮山粥底 海鲜就柯打了虫草花红枣鸡，鸡肉入晒味，加上虫草花嘅香味 龙虾好新鲜，肉质弹牙 珍珠蚌好大只好多肉 带子超大只超甜，食落啖啖肉 龙趸超新鲜，味道腌得啱啱好 最后嚟个虾，生猛又爽口 最后食碗集合所有新鲜食材精华而成嘅靓粥，甜到唔使调