影片
更多
2015-04-16
908 浏览
睇到廣告話英國皇子都係食佢地嘅出品，又經開呢度，又唔使等位，咁就入去試下啦。叫左兩個晚餐，每個約二百多元，整體食物質素都唔錯，比起好多差不多價錢的食店都好：湯：不錯！幾香幾creamy!蟹餅：味道唔差但有點乾。沙律：呢個好味！啲菜好新鮮，同埋好似有啲松露油味，好香，再加啲橙酸酸地咁，整體好夾好refreshing！推介！主菜：試左個批同龍蝦risotto，批其實唔差，但晚餐食咁大個批感覺有點乾；risotto就唔錯，煙韌入味，龍蝦則不過不失。咖啡：好香滑，中上水準！有一樣要大讚嘅係，呢度服務一流，有酒店水準，但唔會有訽謹嘅感覺！親善有禮基本嘢唔多講，但佢每食完一度菜都會換晒你啲餐具，咁食物嘅味道就連少少影響都唔會有！同埋好細心，你個水杯永遠會是夠滿的，唔會有等加水嘅情況出現，呢樣嘢好多食肆都做唔到。最後，買埋皇子皇妃個結婚蛋糕做甜品，雖然差不多二百大元睇落好似細細個咁，但其實都唔細個的。因為都有少少漏，所以四至六人食都夠。個朱古力幾香滑，裡面有好多料的，有好多nuts同其他唔知咩乾果（其中有樣好似無花果），所以食落去無睇落去咁漏。另外，唔雪凍係好味啲的。雖然未至於會令人食完好想即刻再黎
叫左兩個晚餐，每個約二百多元，整體食物質素都唔錯，比起好多差不多價錢的食店都好：
湯：不錯！幾香幾creamy!
蟹餅：味道唔差但有點乾。
沙律：呢個好味！啲菜好新鮮，同埋好似有啲松露油味，好香，再加啲橙酸酸地咁，整體好夾好refreshing！推介！
主菜：試左個批同龍蝦risotto，批其實唔差，但晚餐食咁大個批感覺有點乾；risotto就唔錯，煙韌入味，龍蝦則不過不失。
咖啡：好香滑，中上水準！
有一樣要大讚嘅係，呢度服務一流，有酒店水準，但唔會有訽謹嘅感覺！親善有禮基本嘢唔多講，但佢每食完一度菜都會換晒你啲餐具，咁食物嘅味道就連少少影響都唔會有！同埋好細心，你個水杯永遠會是夠滿的，唔會有等加水嘅情況出現，呢樣嘢好多食肆都做唔到。
最後，買埋皇子皇妃個結婚蛋糕做甜品，雖然差不多二百大元睇落好似細細個咁，但其實都唔細個的。因為都有少少漏，所以四至六人食都夠。個朱古力幾香滑，裡面有好多料的，有好多nuts同其他唔知咩乾果（其中有樣好似無花果），所以食落去無睇落去咁漏。另外，唔雪凍係好味啲的。
雖然未至於會令人食完好想即刻再黎，但呢度其實都不錯的，推介一試！有機會我都會再去！
张贴
