我地去到都好多人！有室內同室外方便有人鍾意食煙可以坐出面！
又有人買外賣！生意睇落唔錯~~~唔知係咪真係咁好食呢﹖我地睇左一陣MENU就有個女仕行過黎同我朋友打招呼！原來係呢度老闆娘~~~幾NICE~~~我地最後叫左4樣野！
蜜椒雞翼:
唔錯~~~外面脆口，有腰果碎加上適量o既蜜糖黏住！口感唔錯！肉身都好滑~~~:)
辣雞煲:
本人比較鍾意食辣！食過有D辣雞煲會辣到都唔知自己食緊咩！但呢個就o岩o岩好！而且裡面仲有莞茜同洋蔥！好香口！:)仲有個gas爐比你熱住！天氣轉涼倀呢個最o岩！
胡椒豬肚湯:
呢個真係堅料唔係薯條！好食到不得了！豬肚夠晒多！湯辣辣地但又唔會搶口！
裡面除左有豬肚同味菜！仲有花甲！而且花甲數目都唔少嫁！果然真材實料！最值得一讚係落左粉絲！粉絲索左湯o既精華！正到不得了~~~食狙兩大碗！
豉油皇炒麵:
朋友話呢個係老闆招牌炒麵！果然正！
夠乾身而唔油膩！
飯後仲有糖水送！真係難得！東大街食碗糖水都廿蚊啦！真抵讚！終於明白點解要黎呢度食！同埋點解咁好生意！埋單加埋飲左D啤酒先4百蚊度！差唔多！老闆娘仲送左張豉油雞coupon比我地下次食！識做生意呀下！好！一於下次再黎！
